«Цярпенне заканчваецца». У Мядзеле нехта спальвае пластыкавыя адходы, а чыноўнікі толькі распавялі пра наступствы

Жыхары вуліцы Заазёрнай у Мядзеле паскардзіліся на рэгулярнае спальванне пластыкавых адходаў на тэрыторыі аднаго з прыватных дамоў. Паводле іх слоў, з’едлівы дым разносіцца па ўсім наваколлі, праз што немагчыма праветрываць жыллё, а рэчы пасля сушкі на вуліцы прасычаюцца стойкім пахам пластыку. Зварот з’явіўся ў TikTok. Аўтар запісу эмацыйна апісвае сітуацыю і заклікае прыняць меры.

Чытайце таксама: Пад Мядзелем застрэлілі хатняга сабаку. Яго гаспадар упэўнены, што «такога рабіць нельга»

Жыхары вуліцы Заазёрнай спадзяюцца, што пасля агалоскі сітуацыя будзе праверана і парушальнік спыніць спальванне адходаў

«Мядзел, SOS! Перыядычна на вуліцы Заазёрнай на тэрыторыі прыватнага дома спальваюцца пластыкавыя адходы ў вялікай колькасці. Адпаведна, разам з ветрам усе небяспечныя таксічныя рэчывы разносяцца па ўсёй вуліцы. Цярпенне заканчваецца, калі ты здымаеш з сушкі адзенне, а яно смярдзіць пластыкам, акно адчыніць немагчыма для праветрывання кватэры. Я спадзяюся, што на гэтую праблему звернуць увагу і прымуць меры», — гаворыцца ў звароце.

У раённым аддзеле па надзвычайных сітуацыях паведамілі, што выклік па ўказаным адрасе да ратавальнікаў не паступаў. Пры гэтым спецыялісты ўдакладнілі, што падобныя пытанні адносяцца да кампетэнцыі прыродаахоўных органаў.

В сети каждый ваш клик оставляет след, который могут использовать против вас. Не позволяйте превращать ваши интересы в уголовные дела. Включайте BGlobal VPN — будьте невидимы для посторонних глаз.

Ссылка на подключение BGlobal VPN – здесь 

У Мядзельскай раённай інспекцыі прыродных рэсурсаў і аховы навакольнага асяроддзя патлумачылі, што спальванне пластыкавых адходаў у бытавых умовах забаронена. Выключэнне складаюць толькі асобныя віды раслінных адходаў пры захаванні правілаў пажарнай бяспекі.

«У адпаведнасці з тэхнічнымі патрабаваннямі да абыходжання з камунальнымі адходамі, іх спальванне насельніцтвам не дапускаецца. Выключэнне складаюць часткі ствалоў выдаленых дрэў, пнёў і каранёвай драўніны, а таксама раслінныя адходы на зямельных участках грамадзян. Пры гэтым неабходна выконваць патрабаванні правілаў пажарнай бяспекі», — адзначыў начальнік інспекцыі Уладзімір Хіло.

Чытайце таксама: У Талачынскім раёне плануюць стварыць сховішча для попелу: чым гэта можа пагражаць наваколлю

У ведамстве таксама нагадалі, што за парушэнне правілаў абыходжання з адходамі прадугледжана адміністрацыйная адказнасць. Спальванне пластыку падпадае пад артыкул 16.44 КаАП Рэспублікі Беларусь і можа пацягнуць штраф да 30 базавых велічынь.

Жыхары вуліцы Заазёрнай спадзяюцца, што пасля агалоскі сітуацыя будзе праверана і парушальнік спыніць спальванне адходаў.

Спецыялісты асобна падкрэсліваюць, што пры гарэнні пластыку ў паветра выдзяляюцца таксічныя рэчывы і канцэрагены, небяспечныя для здароўя людзей і навакольнага асяроддзя. Таму такія адходы неабходна ўтылізаваць толькі праз спецыялізаваныя кантэйнеры і сістэмы перапрацоўкі.

Пры гэтым яны не патлумачылі, ці пакаралі таго, хто спальваў смецце на тэрыторыі прыватнага дома. Знайсці дакладны адрас і ўласніка можна па фатаграфіях, апублікаваных у TikTok мясцовай жыхаркай.

Чытайце таксама: «Полдня дым идет прямо в окна»: брестчане возмущены сжиганием листвы в частном секторе. Что говорит закон?

Будь на связи и в безопасности: подключи BGlobal VPN

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро